rfi

Saurare
  • Labarai Kai-tsaye
  • Labaran da suka gabata
  • RFI duniya

Cutar Lassa Najeriya Lafiya Rahotanni

wanda aka wallafa • Wanda aka canza zuwa

Lassa: Kakar maganin Bera ta yanke saka a Najeriya

media
Cutar Lassa na ci gaba da yaduwa a Najeriya barbaric.com

Kasuwar maganin Bera ta cira sama a Najeriya sakamakon barkewar cutar Lassa da ta fara zama annoba bayan mutuwar mutane kusan 80 a sassan kasar.


Ana kamuwa da cutar Lassa ne ta hanyar cin abincin da Bera ya gurbata da gubar bakin shi ko kuma mu’amala da wadanda ke dauke da cutar.

Rahotanni daga Kano sun ce kasuwar maganin bera ta cira sama bayan ruwaito mutane kimanin 17 sun kamu da cutar, da ke yin kisa.

Mutane na sayen maganin ne domin kashe beraye a gidajensu don gudun kamuwa da cutar Lassa, Kamar yadda shehu Idris Bichi shugaban ‘Yan kasuwar ta magani ya shidawa kamfanin dillacin labaran Faransa.

Sama da mutane 200 hukumar lafiya a Najeriyaya ta tabbatar da cewa suna dauke cutar.

An sanya wa Cutar sunan garin Lassa a cikin Jihar Borno inda aka fara samun bullarta a 1969.

Cutar Lassa yanzu ta bulla a Jihohi 17, kamar yadda ma’aikatar Lafiya ta tabbatar a Najeriya.

Tuni Gwamnatin Jihar Benue ta dauki matakin haramta cin bera a daukacin sassan Jihar a wani mataki na magance yaduwar cutar da ta bulla a Jihar.