MDD ta ce ranar juma'a za a ci gaba da taron sulhunta rikicin Syria

Majalisar Dinkin Duniya ta ce taron sulhunta bangarori masu hamayya da juna a rikicin Syria wanda ya kamata a fara a yau litinin, an amince cewa sai a ranar juma’a mai zuwa ne za a buda shi, inda za a ci gaba da tattaunawa har na tsawon watanni 6.

Staffan Mistura, manzon Majalisar Dinkin Duniya a Syria REUTERS/Denis Balibouse

Manzon Majalisar na musamman a Syriya Steffan de Mistura, ya ce yanzu haka ana kokarin warware sabani dangane da wadanda za su wakilci ‘yan adawa zuwa wannan taro da zai gudana a birnin Geneva.