rfi

Saurare
  • Labarai Kai-tsaye
  • Labaran da suka gabata
  • RFI duniya

Malawi Mata Hakkin Dan Adam

wanda aka wallafa • Wanda aka canza zuwa

An ki bayar da belin mutumin da ya sadu da mata 100 a Malawi

media
Eric Aniva ya kwanta da Mata sama da 100 a Malawi

Mai gabatar da kara a Malawi ya ki bada belin Eric Aniva mutumin da ake tuhuma da laifin kwanciya da mata 100 da sunan ibadar tsarkake su. Karo na biyu ke nan ana yin watsi da bukatar shi.


Mai gabatar da kara Christopher Botoman ya ce ya yi watsi da bukatar belin ne saboda tsoron kada ya razana masu bayar da sheda a Kotu.

Mai gabatar da karan ya ce ba zai bayar da shi beli ba saboda girman laifin da ya aikata.

Aniva ya sadu da Mata 104 da sunan tsarkake su tare da zama mata na gari ga mazajensu.

Sannan bincike ya nuna mutumin mai shekaru 45 yana dauke da cutar Sida, kuma yana kokarin tserewa ne daga kasar zuwa Mozambique.

Ana zargin Aniva ne da saduwa da ‘Yan mata ‘yan kasa da shekaru 16 da kuma manyan mata. Kuma idan aka tabbatar da laifin da ake tuhumar shi na saduwa da kananan yara za a iya yanke ma shi hukuncin daurin rai da rai a gidan yari.