rfi

Saurare
  • Labarai Kai-tsaye
  • Labaran da suka gabata
  • RFI duniya

ECOWAS CEDEAO Najeriya Tattalin Arziki Diflomasiya

wanda aka wallafa • Wanda aka canza zuwa

An kammala taron ECOWAS karo na 52 a Najeriya

media
Shugaba Buhari a taron ECOWAS karo na 52 a Abujan Najeriya FEMI ADESINA

Shugabannin kasashen yammacin Afirka, ECOWAS, sun kammala gudanar da taronsu karo na 52 a Najeriya wanda ya mayar da hankali kan matsalolin da suka shafi tattalin arziki da tsaro da rikicin Siyasa.


A lokacin bude taron Shugaba Muhammadu Buhari na Najeriya ya ce kyakkyawar alakar makwabtaka na da muhimmaci ga tsaro da ci-gaban tattalin arziki don haka ya zama wajibi a mayar da hankali wajen yakar barazanar 'yan ta'adda a yammacin afirka.

Kazalika Shugaba Buhari ya tabo batun cinikin Bayi a Libya inda ya ke cewa, 'tallafawa matasa da samar da ayyukanyi zai taimaka wajen dakile kwararar Bakin-haure da ke jefa rayuwarsu cikin hatsari a libya.'

Shugabannin ECOWAS za kuma su yi nazari kan hanyoyin shawo rikicin siyasar Togo da Guinea Bissau, da kuma samar da sauye-sauye kan ayyukan Kungiyar.

Taron dai ya samu halartar shugaban Kungiyar Tarayyar Afirka Moussa Faki da wakilan Majalisar dinkin duniya da kuma tsoffin shugabannin kasashen Afirka.