rfi

Saurare
  • Labarai Kai-tsaye
  • Labaran da suka gabata
  • RFI duniya

Liberia Kwallon Kafa

wanda aka wallafa • Wanda aka canza zuwa

Geoge Weah ya gayyaci Arsene Wenger don halartar bikin rantsar da shi.

media
George Weah ya taka leda a kungiyoin kwallon kafa da suka hadar da Monaco, Paris Saint-Germain, Chelsea da kuma AC Milan. 101 greate goals.com

Kochin kungiyar kwallon kafa ta Arsenal, Arsene Wenger ya samu katin gayyata daga tsohon zakaran kwallon kafa kuma shugaban Liberia mai jiran gado Gorge weah don ya halarci bikin rantsar da shi cikin wannan wata.


A cewar Wenger duk da baya da lokaci amma idan har dakatarwar da hukumar kwallon kafa ke shirin yi masa ta tabbata babu shakka zai halarci taron a Liberia.

Wenger dai ya taba zamowa manajan George Weah a Monaco tsakanin shekarun 1988 zuwa 1992.

Arsene Wenger ya ce yana tuna lokacin da ya hadu da George Weah yana ba kowa ba bai kuma san kowa ba har zuwa lokacin da ya zakara kuma fitaccen dan kwallo a duniya.

A cewar Arsene Wenger za a iya kwatanta tarihin rayuwar George Weah da hikayoyin fina-finai ta yadda yanzu ya kai matsayin da babu wanda ya yi tsammanin hakan a shekarun baya.

Weah, dai ya taka leda a kungiyoyin kwallon kafa da suka hadar da Monaco, Paris Saint-Germain, Chelsea da kuma AC Milan.