Isa ga babban shafi
Afrika

Soma amfani da tsarin sufurin jiragen sama na bai-daya a Afrika

Kungiyar Tarayyar Afirka ta sanar da fara amfani da tsarin sufurin jiragen sama na bai-daya a tsakanin kasashen nahiyar, bayan da kasashe 23 suka sanya hannu kan yarjejeniyar da ke tabbatar da haka a birnin Adis Ababa na kasar Habasha.

Wani jirgin sama malakin Max Air a Nijar
Wani jirgin sama malakin Max Air a Nijar Wikipédia
Talla

Yarjejeniyar na daya daga cikin abubuwan da kungiyar ta Tarayyar Afirka ta jima tana fatan ganin ta tabbata, wannan kuwa da zummar kawo sauki ga zirga-zirgar jiragen sama a tsakanin kasashen nahiyar.

Sabon shugaban kungiyar tarayyar Afirka sannan shugaban Rwanda Paul Kagame, da kuma shugaban hukumar kungiyar ta AU Moussa Faki Mahamat, sun bayyana yarjejeniyar a matsayin wadda za ta ingata sha’anin sufuri a nahiyar wadda sauran nahiyoyin duniya suka yi wa fintinkau a fagen sufurin jiragen sama.

Wasu daga cikin manyan manufofin da ake fatan yarjejeniya za ta samar, sun hada da kara adadin matafiya a jiragen sama, tabbatar da cewa a duk inda matafiyi zai je a Afirka, to akwai jirgin da zai dauke shi, sannan kuma da rage farashin tikiti ga matafiya.

Wani bincike da bankin duniya ya gudanar a shekara ta 2010, ya nuna cewa mafi yawan kasashen Afirka na takaita zirga-zirgar a tsakaninsu ne domin kare kasuwar kamfanonin jirage mallakinsu, to sai dai matakin na kawo cikas ga cigaban tattalin arzikin nahiyar a cewar bankin na duniya.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.