rfi

Saurare
  • Labarai Kai-tsaye
  • Labaran da suka gabata
  • RFI duniya

Zimbabwe

wanda aka wallafa • Wanda aka canza zuwa

"Za mu yi sahihin zabe a Zimbabwe saboda marigayi Tsvangirai"

media
Marigayi Morgan Tsvangirai ya rasu yana da shekaru 65 bayan fama da cutar sankarar hanji a Afrika ta Kudu Reuters/Philimon Bulawayo

Shugaban Zimbabwe, Emmerson Mnangagwa ya lashi takobin gudanar da sahihin zabe a kasar don karrama jagoran ‘yan adawa, Morgan Tsvangirai da ya rasu a jiya bayan fama da cutar sankarar hanji.


Al’ummar Zimbabwe na cikin alhini saboda mutuwar jagoran ‘yan adawar kasar, Morgan Tsvangirai da ake kallo a matsayin gwarzon da mawuyaci ne a samu tamkarsa a kasar.

Da dama daga cikin mutanen kasar na jinjina wa marigayin saboda rawar da ya taka a gwagwarmayar kafuwar demokradiya a kasar.

Tsvangirai, tsohon jigo a kungiyar ‘yan kwadago, ya kasance babban kalubale ga jam’iyyar ZANU-PF a tsawon mulkinta na kusan shekaru 40.

Shugaba Mnangagwa ya bayyana marigayin a matsayin jajirceccen jagoran ‘yan adawa, sannan kuma ya lashi takobin ganin an gudanar da sahihin zabe kasar a matsayin karramawa ga Tsvangirai da demokradiya.

Mnangagwa ya ce, za a ci gaba da tunawa da marigayin musamman kan nacewarsa ta ganin an gudanar da sahihin zabe.

Tsvangirai ya fuskanci jerin cin zarafi a gwamnatin Robert Mugabe wadda ta garkeme shi a gidan yari.

Morgan Tsvangirai ya rasu ne yana da shekaru 65 da haihuwa bayan fama da cutar sankarar hanji, in da ya yi jinya a wani asbiti da ke kasar Afrika ta Kudu