rfi

Saurare
  • Labarai Kai-tsaye
  • Labaran da suka gabata
  • RFI duniya

Nijar Algeria Mali Guinea Conakry Senegal

wanda aka wallafa • Wanda aka canza zuwa

Nijar ta bukaci Aljeriya ta daina taso keyar baki zuwa cikin kasar

media
Ministan lamurran cikin gidan Nijar, Mohamed Bazoum ISSOUF SANOGO / AFP

Gwamnatin Jamhuriyar Nijar ta bukaci mahukuntan kasar Algeria da su daina taso keyar ‘yan asalin kasashen Afirka da suka hada da Mali, Guinea da kuma Senegal zuwa cikin kasar.


Ministan cikin gidan Nijar Bazoum Mohamed, ya ce suna a shirye su karbin dukkanin ‘yan kasar da Algerian ta kora, amma ba za su karbi ‘yan asalin wasu kasashe ba.

 

Bazoum ya ce ‘’Sau da dama muna tattaunawa da mahukuntan kasar Algeria, inda muka bayyana masu cewa ka da su sake taso mana keryar matasa ‘yan kasashen Mali, Guinee da dai sauransu, to amma muna cikin shiri domin karbar ilahirin ‘yan Nijar da Algeriar ba ta fatan gani a cikin kasarta’’.

Ya ce ‘’Mun shaida masu cewa su daina turo mana ‘yan asalin wasu kasashe na Afirka, domin ba aikinmu ba ne karbar mutanen da Algeria za ta kora daga kasar, suna da iyaka da Mali, sannan kuma Mali ta fi kusanci da Guinee, amma kuma sai su su kawaso ‘yan Mali da ‘yan Guinee, ‘yan Senegal domin kawo su cikin kasar Nijar’’