An shiga rana ta biyu ‘yan sanda na ci gaba da tsare shugaban kamfanin Bollore a Faransa, wanda ake zargi da rashawa domin samun kwangila a kasashen Togo da kuma Guinee Conakry. Ko baya ga shugaban kamfanin Vincent Bollore wanda hamshakin attajiri ne, akwai wasu manyan jami’ansa biyu Jean-Philippine Dorent da kuma Gilles Alix da ake ci gaba da yi wa tambayoyi. Abdoulkarim Ibrahim Shikal ya zanta da Dr Maina Boukar Karte na jami’ar Yamai, domin jin tasirin wannan bincike na rashawa da ake gudanarwa kan Bollore.
