rfi

Saurare
  • Labarai Kai-tsaye
  • Labaran da suka gabata
  • RFI duniya

Wasanni Kwallon Kafa Najeriya

wanda aka wallafa • Wanda aka canza zuwa

Rohr zai ajje aikin horar da Super Eagles

media
Mai horar da kungiyar kwallon kafa ta Najeriya Gernot Rohr. REUTERS/Louafi Larbi

Wasu rahotanni na nuni da cewa kociyan kungiyar kwallon kafa ta Najeriya Gernot Rohr na gab da ajje aikinsa inda zai koma horar da kungiyar kwallon kafar Aljeriya.


Algeria dai a baya-bayan nan ne ta kori mai horar da ‘yan kwallon na ta Rabah Madjer bayan rashin tabuka abin kirkin da tawagar kasar ta yi a wasannin sada zumuncin da ya gudana tsakaninta da Iran, Saudi Arabia da Cape Verde da kuma Portugal.

Gernot Rohr wanda ya tsawaita kwantiraginsa da Najeriya zuwa 2020 gabanin tafiya gasar cin kofin duniya, ya ce babu tabbacin dorewar aikinsa bayan rashin nasarar Super Eagles a Rasha.

Kociyan wanda ya dade yana aikin horar da kasashen Afrika irinsu Nijar Birkinafaso da kuma Gabon zai iya tafiyar da tawagar ta Algeria la’akari da cewa ya horar da kungiyoyi kamar su Bordeaux OGC da Nice da kuma Nantes na Faransa.