rfi

Saurare
  • Labarai Kai-tsaye
  • Labaran da suka gabata
  • RFI duniya

Habasha Eritria Diflomasiya

wanda aka wallafa • Wanda aka canza zuwa

Habasha da Eritrea sun soma yunkurin sulhunta rikicin iyaka

media
Sabon Fira Ministan Habasha, Abiy Ahmed. REUTERS/Tiksa Negeri/File Photo

Fira ministan Habasha Abiy Ahmed, ya fara ziyara a Eritrea domin ganawa da takwaransa Isaias Afwerki a babban birnin kasar Asmara a kokarin maido da kyakkyawar dagantaka tsakaninsu.


Tattaunawar shugabannin za ta mayar da hankali ne wajen kawo karshen rikicin kan iyaka a garin Badme da ke tsakanin kasashen biyu, wanda har yanzu Habasha ba ta kai ga janye sojinta daga wajen ba.

A shekarar 19998 zuwa 2000 ne kazamin rikici ya barke tsakanin kasashen na Habasha da Eritrea dangane da kan iyaka, yakin da ya yi sanadin hallakar kimanin mutane dubu 80, 000 daga dukkanin bangarorin biyu.

Tun bayan zama sabon Fira Ministan Habasha a watan Afrilu na shekarar 2018, Abiy Ahmed ya sha alwashin kawo karshen wannan tsamin dagantaka.