Sojojin Najeriya 23 ne suka bata a Bama

Rahotanni daga Najeriya sun ce sojojin kasar 23 dake yaki da kungiyar boko haram ne suka bata lokacin da mayakan suka yiwa tawagar motocin su kwantar bauna a Bama.

Sojojin Najeriya bayan nasara a kan yan kungiyar Boko Haram REUTERS/Emmanuel Braun

Kamfanin dillancin labaran Faransa ya jiyo daga bakin wani hafsan sojin dake Maiduguri cewar lamarin ya auku ne a kauyen Balagallaye a wajen garin Bama.

Jami’in sojin yace daga cikin sojojin da suka bata sun hada da manyan jami’ai 5 da kanana 18, yayin da suka rasa motoci 8.

Kamfanin dillancin labaran Faransar yace wani jami’in kungiyar yan kato da gora ya tabbatar da aukuwar lamarin.