rfi

Saurare
  • Labarai Kai-tsaye
  • Labaran da suka gabata
  • RFI duniya

Najeriya Tarayyar Afrika Majalisar Dinkin Duniya Tafkin Chadi

wanda aka wallafa • Wanda aka canza zuwa

Buhari zai jagoranci taron farfado da Tafkin Chadi

media
Shugaba Muhammadu Buhari da Akinwumi Adeshina Bashir

Shugaban Najeriya Muhammadu Buhari ya amince da bukatar Sakatare Janar na Majalisar Dinkin Duniya na jagorancin wani taron kaddamar da gidauniyar tara Dala biliyan 50 da za ayi amfani da shi wajen farfado da tafkin Chadi da ke ci gaba da tsukewa.


Yayin da yake karbar bukatar Guterres ta hannun shugaban Bankin raya Kasashen Afrika, Dr. Akinwumi Adeshina, shugaba Buhari ya yaba da matakin wanda ya ce, zai bada damar sake samarwa mutanen da ke kewayen tafkin ci gaba da rayuwarsu kamar yadda suka saba.

Daga bisani shugaban kasar ya yaba da jagorancin Adeshina a Bankin Afrika, wanda ya ce, ya bada gudumawa wajen samar da ci gaba da dama a nahiyar Afirka.

Dr. Adeshina ya shaida wa shugaba Buhari cewar, Bankin ya samu nasarori da dama musamman wajen inganta harkokin noma da kasuwanci da kuma gina kayan more rayuwa.