rfi

Saurare
  • Labarai Kai-tsaye
  • Labaran da suka gabata
  • RFI duniya
  • Palestinawa 22 hare-hare daga Israela ya kashe a Gaza.
  • Dan kunar bakin wake ya kashe mutun daya a ofishin 'yan sandan Indonesia
  • Yau ake zama a bainin jama'a game da tsige Shugaban Amurka Trump
  • Wasu 'yan kasar Kamaru sun shiga Otel da Shugaba Paul Biya ke ciki a Paris.
  • Tashin Bam a Kabul na Afghanistan ya kashe mutane 7
  • Saudiya, Daular Larabawa da Bahrain za su shiga wasannin kwallon kafa tare
  • Hari daga Israila ya kashe Bafalastine daya
  • Amurka ta gargadi 'yan kasar daga zuwa Bolivia

Najeriya Ta'addanci

wanda aka wallafa • Wanda aka canza zuwa

Kusan 'yan Najeriya dubu 2 sun mutu a hare-haren 'yan bindiga- Gwamnati

media
Wasu 'yan bindiga a Birnin Gwari na jihar Kaduna da ke Arewacin Najeriya. Solacebase

Gwamnatin Najeriya ta sanar da cewa, mutane dubu 1 da dari 4 da 60 sun rasa rayukansu a hare-hare har guda 330 da ‘yan bindiga suka kaddamar a cikin watanni bakwai da suka gabata, musamman a yankunan Arewa maso yammacin kasar .


A cewar Dr Amina Shamaki jami’ar da ke kula da ayyuka na musamman a Ofishin babban sakataren gwamnatin Najeriyar yayin wani taro kan al’amuran tsaro da ya gudana a jihar Kebbi, ta ce adadin na daga cikin alkaluman da bincikensu ya nuna.

Dr Shamaki ta bayyana cewa kawo yanzu kalubalen tsaro shi ne babban abu dubawa musamman a yankunan arewa maso yammacin kasar da ke fama da hare-haren ‘yan bindiga da masu garkuwa da mutane.

Babbar jami’ar gwamnatin Najeriyar ta bayyana cewa hare-haren sun faru ne daga watan Janairun bana zuwa Yuli, ko da dai ta ce an samu raguwar hare-haren ‘yan bindiga cikin watan Yuni da Yulin musamman a jihar Zamfara.

Sai dai a zantawar sashen hausa na RFI da Dr. Sulaiman Shu’aibu Shinkafi, Sarkin Shaun Shinkafi, ya kalubalanci adadin na Gwamnatin Najeriya yana mai cewa ko iya adadin mutanen da aka kashe a jihar Zamfara kadai sun zarce alkaluman gwamnatin kasar.