rfi

Saurare
  • Labarai Kai-tsaye
  • Labaran da suka gabata
  • RFI duniya

Najeriya BOKO HARAM Maiduguri

wanda aka wallafa • Wanda aka canza zuwa

Sojin Najeriya sun dakile harin Boko Haram a Jami'ar Maiduguri

media
Wasu Sojin Najeriya AFP

Rahotanni daga Najeriya sun ce rundunar sojin kasar ta yi nasarar dakile wani harin ta'addanci da kungiyar Boko Haram ta shirya kai wa Jami'ar Maiduguri cikin daren jiya Lahadi, inda aka rika jin karar harbe-harbe a makarantar.


Majiyoyi daga makarantar sun ce an kusan sa'a guda da rabi ana jiyo karar harbin indiga da ke nuna musayar wuta tsakanin Sojin da mayakan na Boko Haram, kafin daga bisani al'amura su daidaita.

Rahotanni sun ce wasu daliban makarantar da ke jarabawa sun yi kokarin barin makarantar cikin dare domin tsira da rayukansu.

Ko a jiya akwai wasu labarai da jaridun Najeriyar suka wallafa wanda ke nuna yadda harin na Boko Haram ya hallaka Sojin kasar 13.