rfi

Saurare
  • Labarai Kai-tsaye
  • Labaran da suka gabata
  • RFI duniya

Senegal

wanda aka wallafa • Wanda aka canza zuwa

Khalifa Sall zai koma fagen siyasa bayan zaman wakafi

media
Khalifa Sall yayin wani taron manema labarai bayan fitowa daga gidan kaso. SEYLLOU / AFP

Tsohon Magajin Garin Dakar da ke Senegal, Khalifa Sall da shugaban kasa Macky Sall ya yiwa ahuwa bayan daurin shekaru biyu da rabi a gidan yari, ya bayyana cewar zai cigaba da harkokin siyasar sa kamar yadda ya saba.


Yayin da ya ke jawabi ga dimbin magoya bayan sa da kuma 'yan Jaridu, Sall ya ce duk da daurin da aka masa, wanda ya haramta masa ‘yancin shiga harkokin siyasa, ba zai sashi dainawa ba.

Dokar Senegal ta haramtawa wanda kotu ta samu da laifi shiga harkokin siyasa, ganin cewa kotu ta daure tsohon Magajin Garin shekaru 5 a gidan yari saboda samun sa da laifin almubazzaranci da kudin da ya kai euro miliyan biyu da rabi.