Faransa na fatan Amurka ta ci gaba da kasancewa Sahel

A gobe litinin ake sa ran Ministan tsaron Faransa Florence Parly za ta ziyarci cibiyar tsaron Amurka Pentagon a birnin Washington don tattauna da hukumomin dangane da goyan bayan Amurka a yakin da sojan ta ke yi a yankin Sahel.

Ministan tsaron Faransa Florence Parly, © RFI

Ministar tsaron Faransa Florence Parly za ta yi amfani da wannan dama domin shawo kan hukumomin Amurka na ganin Amurka ta ci gaba da kasancewa a yankin Sahel tareda kawo goyan bayan don kawar da mayakan jihadi a Sahel.

Zuwan Florence Parly Amurka a gobe na zuwa ne bayan da daya babban hafsan sojan Amurka Janar Mark Milley ya bayyana cewa Amurka na nazarin rage adaddin sojan ta daga Afrika..