rfi

Saurare
  • Rayuwa - A karance
  • Karshe log
  • RFI Duniya

Qatar Saudiya Kuwait

wanda aka wallafa • Wanda aka canza zuwa

Kuwaiti zata warware rikicin Qatar da sauran kasashen Larabawa

media
Sarkin kasar Qatar Tamim Ben Hamad Al-Thani Reuters

Sarkin kasar Kuweiti Sheikh Sabah al-Ahmad Al-Sabah ya isa birnin Riyad na Saudiyya, domin shiga tsakani da nufin shawo kan rikicin diflomasiyyar da ya barke tsakanin wasu kasashen Larabawa da kuma Qatar.


Rikicin da ya sanya kasashen da suka hada da Hadaddiyar daular Larabawa, Masar, Baharain, Libya, Yemen, Maldives a karkashin jagorancin Saudiyya suka yanke alaka tsakaninsu da kasar ta Qatar.

Daga cikin matakan da suka dauka dai akwai dakatar da zirga-zirgar jiragen sama tsakaninsu da ita, sai kuma rufe iyakar da ke tsakanin Qatar din da Saudiyya.

Tuni dai ministan harkokin wajen kasar Qatar Mohamed Bin Abdul Rahman, ya ce kasar a shirye take, ta shiga tattaunawar sulhu da sauran kasashen domin warware sabanin da ke tsakaninsu, inda y ce Qatar ba ta da niyyar daukar wani mataki na ramuwar gayya akansu domin zai shafi rayuwar al’ummomin kasashen da ke cikin kungiyar hulda da juna a yankin Gulf baki daya.