Saudiya na zargin kungiyoyin agaji da hannu a ta'addanci

Saudi Arabia da kawayen ta sun bayyana wasu kungiyoyin agaji a kasashen Yemen da Qatar da Libya a matsayin kungiyoyin yan ta’adda saboda abinda suka kira alakar su da masu ayyukan ta’addanci.

Taron kasashen larabawa dangane da batun rikicin Qatar REUTERS/Khaled Elfiqi

Sanarwar da Saudiya da Daular Larabawa da Bahrain da kuma Masar suka bayar ta hadin gwuiwa ta bayyana kungiyoyin guda tara da kuma wasu mutane 9 da suka ce suna alaka da Gwamnatin Qatar a matsayin yan ta’adda.

Tuni kasashen 4 suka gabatar da bukatu 13 da suke neman ganin Qatar ta aiwatar cikin su harda rufe tashar Al Jazeera kafin cire mata takunkumin da suka kakaba mata.