rfi

Saurare
  • Labarai Kai-tsaye
  • Labaran da suka gabata
  • RFI duniya
  • Palestinawa 22 hare-hare daga Israela ya kashe a Gaza.
  • Dan kunar bakin wake ya kashe mutun daya a ofishin 'yan sandan Indonesia
  • Yau ake zama a bainin jama'a game da tsige Shugaban Amurka Trump
  • Wasu 'yan kasar Kamaru sun shiga Otel da Shugaba Paul Biya ke ciki a Paris.

Afghanistan Taliban Amurka

wanda aka wallafa • Wanda aka canza zuwa

Amurka za ta janye dakarunta daga Afghanistan cikin kwana 135

media
Shugaba Ashraf Ghani yayin tattaunawarsa da Zalmay Khalilzad a Kabul © Reuters

Jakadan Amurka a tattaunawarta da Taliban Zalmay Khalilzad ya ce Amurka a shirye take ta janye ilahirin dakarunta daga Afghanistan matukar aka samu cimma yarjejeniyar a tattaunawar bangarorin biyu da ke ci gaba da gudana can a Qatar.


A wata tattaunawarsa da Sashen labarai na Tolo News Zalmay Khalilzad ya ce idan har aka kammala kulla yarjejeniya bisa daidaito kan bukatun kowanne bangare, Amurkan za ta janye dakarunta da ke sansanoni 5 a cikin kasar ta Afghanistan a kwanaki 135.

Tuni dai kamfanin labarai na Reuters ya ruwaito cewa, shugaba Ghani ya yi maraba da matakin tare da shan alwashin gabatar da jawabi game da kalaman na Khalilzad.

Sai dai fitar kalaman na Khalilzad a yammacin yau Litinin ke da wuya aka fara jiyo karar musayar bindigu baya ga wata fashewa a wajen birnin Kabul, ko da dai kawo yanzu babu wata masaniya game da dalilin faruwar lamarain.

Wasu hotunan faruwar lamarin a shafukan sada zumunta sun nuna yadda turkukun hayaki ke tashi a wajen birnin sai dai babu bayani kan abin da ya faru ko kuma wadanda ke da hannu a faruwarsa.