rfi

Saurare
  • Labarai Kai-tsaye
  • Labaran da suka gabata
  • RFI duniya
  • Palestinawa 22 hare-hare daga Israela ya kashe a Gaza.
  • Dan kunar bakin wake ya kashe mutun daya a ofishin 'yan sandan Indonesia
  • Yau ake zama a bainin jama'a game da tsige Shugaban Amurka Trump
  • Wasu 'yan kasar Kamaru sun shiga Otel da Shugaba Paul Biya ke ciki a Paris.
  • Tashin Bam a Kabul na Afghanistan ya kashe mutane 7
  • Saudiya, Daular Larabawa da Bahrain za su shiga wasannin kwallon kafa tare

India Pakistan Majalisar Dinkin Duniya

wanda aka wallafa • Wanda aka canza zuwa

Pakistan na zargin India da kisan kare dangi a Jummu da Kashmir

media
Firaministan Pakistan Imran Khan REUTERS/Stringer

Kasar Pakistan ta bukaci Majalisar Dinkin Duniya ta kaddamar da binciken kwa-kwaf a yankin Kashmir da Jummu mai rinjayen Musulmi bayan kwace kwarya-kwaryar ‘yancin da India ta yi wa yankin a watan jiya.


Ministan harkokin wajen Pakistan Shah Mehmood Qureshi yayin jawabinsa gaban hukumar kare hakkin dan adama ta Majalisar Dinkin Duniya a birnin Geneva, ya ce yanzu haka India na aiwatar da kisan kare dangi a wani yunkuri na shafe al'ummar yankunan biyu masu rinjayen musulmi wato Kashmir da Jummu.

A cewar Shah Mehmood tun daga ranar 5 ga watan Agusta zuwa yanzu India ta katse layukan sadarwa da na Intanet a jihohin Jummu da Kashmir yayinda ta kaddamar da wani shirin kamen babu gaira babu dalili.

Ministan ya bayyana cewa a yanzu haka ba komai ke faruwa a yankunan biyu na Jummu da Kashmir ba, face kisan kare dangi baya ga muzantawa da cin zarafi wanda sojin India ke aikatawa.

Akwai dai rahotanni da ke nuna cewa yanzu haka India ta kame mutane dubu 6 daga yankunan biyu inda ta jefa su a gidajen yari bayan da suka kalubalanci matakin kwace musu kwarya-kwaryan 'yancin.