rfi

Saurare
  • Labarai Kai-tsaye
  • Labaran da suka gabata
  • RFI duniya
  • Palestinawa 22 hare-hare daga Israela ya kashe a Gaza.
  • Dan kunar bakin wake ya kashe mutun daya a ofishin 'yan sandan Indonesia
  • Yau ake zama a bainin jama'a game da tsige Shugaban Amurka Trump
  • Wasu 'yan kasar Kamaru sun shiga Otel da Shugaba Paul Biya ke ciki a Paris.
  • Tashin Bam a Kabul na Afghanistan ya kashe mutane 7
  • Saudiya, Daular Larabawa da Bahrain za su shiga wasannin kwallon kafa tare

Iraqi Rashawa

wanda aka wallafa • Wanda aka canza zuwa

Zanga-zangar Iraqi ta kazanta

media
Zanga-zangar adawa da gwamnati ta kazanta a birnin Bagadaza na kasar Irak. REUTERS/Alaa al-Marjani

Rahotanni daga Iraqi sun ce jami’an tsaro sun bude wuta kan dubban masu zanga-zangar adawa da gwamnati a birnin Bagadaza, yayinda aka shiga rana ta hudu da soma yiwa gwamnatin Fira Minista Adel Abdel Mahdi.


Akalla mutane 31 ne suka rasa rayukansu, ciki har da jami’an tsaro 2, bayan da dubban masu zanga-zangar suka yi arrangama da jami’an tsaro a Bagadaza, babban birnin kasar Iraqi jiya Alhamis, rana ta uku bayan soma bore.

Masu zanga-zangar dai sun bijirewa dokar hana zirga-zirga, hayaki mai sa hawaye da ma harbi da alburusai masu rai bai hanasu ci gaba da yin tattakin nuna adawa da gwamnatin Fira Minista Adel Abdel Mahdi ba, kan gazawa wajen magance matsalolin cin hanci da rashawa, rashin ayyukanyi da kuma ababen more rayuwa.

Kawo yanzu sama da masu zanga-zangar dubu 1000 ne suka jikkata.

Boren da Fira Minista Mahdi ke fuskanta wanda ke dada bazuwa zuwa sauran sassan kasar ta Iraqi, yafi kazanta a birnin Bagadaza da kuma Nasiriyah dake kudancin kasar, inda a nan kadai jami’an tsaro suka bindige masu zanga-zanga 7 a jiya Alhamis.

A ranar talata zanga-zangar kin jinin gwamnatin ta barke a birnin Bagadaza, inda cikin kwanaki uku ta bazu zuwa biranen kasar akalla 5, ciki har da Babylon, Basra, da Najaf.