rfi

Saurare
  • Labarai Kai-tsaye
  • Labaran da suka gabata
  • RFI duniya

Afghanistan Majalisar Dinkin Duniya Taliban

wanda aka wallafa • Wanda aka canza zuwa

Fararen hula dubu 1 da 200 sun mutu cikin watanni 3 a Afghanistan

media
Wani harin Taliban a Afghanistan NOOR MOHAMMAD / AFP

Majalisar Dinkin Duniya ta bayyana matukar kaduwar ta da yawan adadin fararen hular da suka mutu a kasar Afghanistan tsakanin watan Yuli zuwa Satumbar bana, inda take cewa wannan lamari ba abinda za’a amince da shi bane.


Tadamichi Yamamto, jami’in Majalisar Dinkin Duniya da ke Kabul ya ce tsakanin ranar 1 ga watan Yuli zuwa 30 ga watan Satumba, mutane dubu 1 da 174 aka kashe, yayin da aka jikkata dubu 3 da139, wanda ya nuna karuwar kashi 42.

Jami’in ya ce adadin da aka samu na watan Yuli ya zarce na kowanne wata.

Tun bayan tabarbarewar tattaunawar Taliban da Amurka ne, kungiyar ta ci gaba da tsananta hare-hare inda galibin wadanda hare-haren na ta kan shafa fararen hula, ciki har da masu kada kuri'a a zaben kasar da ya gudana.