'Yan uwan Osama sun rasu a hatsarin Jirgi

A wani sanarwa da suka fitar Ofishin jakadancin kasar Saudi Arabia dake birnin London sun tabbatar da mutuwar dangin marigayi shugaban kungiyar al-Qaeda, Osama bin Laden a wani hatsarin jirgin sama da ya auku a kudancin Ingila.

Marigayi Shugaban Kungiyar al-qaeda Osama Bin Laden @Reuters

Tuni dai Ofishin Jakadancin ta mika ta'aziyarta a hatsarin da aka tabbatar, ya auku a jiya Juma'a.

Jami’an 'Yan sanda yankin sun ce mutane hudu da suka hada da matukin jirgin ne ke cikin karamin jirgin mai lambar kasar Saudia, lokacin da ya rikito kana ya kuma kama da wuta ba tare da ko mutum guda ya tsira ba.