Jirgin sama dauke da ‘Yan wasan Brazil ya fadi a Colombia

Wani jirgin sama dauke da ‘yan wasan wata kungiya kwallon kafa ta Brazil ya fadi a kusa da garin Medellin na Colombia dauke da mutane 72 bayan ya fito daga Bolivia.

Jirgin sama ya fadi da 'Yan wasan Chapecoense ta Brazil a Colombia REUTERS/Paulo Whitaker

Rahotanni sun ce jirgin mai lamba CP2933 na dauke ne da yan wasan kungiyar Real Chapecoense. Hukumomin filin jirgin Medellin sun ce akwai mutane 6 da suka rayu a hatsarin jirgin.

Magajin garin Madellin ya ce alamu ya nuna mai ne ya kare a jirgin.

‘Yan wasan kungiyar Chapecoense Real na kan hanya ne domin buga wasa da Atletico Nacional ta Colombia a ranar Laraba.

Ya zuwa yanzu dai babu cikkaken bayani kan makomar yan wasan da ke cikin jirgin da kuma masu horar da su.