An sake kama fursunoni da suka tsere daga gidan yarin Indonesia

Jami'an tsaro a kasar Indonesia sun yi katarin kama yawancin fursunoni da suka tsere daga gidan yarin kasar mai cunkoso dake tsubirin Sumatra.

Hoton Jamian tsaro dake gadin ShugabaJoko Widodo a wani buki. REUTERS/Bobby Yip

Fursunoni 200 suka tsere daga gidan yarin dake birnin Pekambura a lokacin da aka fito da su don yin sallar Juma'a a jiya.

Ya zuwa yau Asabar an sami kamo akalla fursunoni 171 kamar yadda kakakin Rundunar ‘yan sanda Guntur Aryo Tejo ya sanar.