An kubutar da wani Bafaranshe da aka sace a Chadi

Wani Bafaranshe mai aikin hakar ma'adinai da aka sace daga kasar Chadi aka tafi kasar Sudan ya sami kubuta bayan ya shafe makonni shida a hannun wadanda suka yi garkuwa da shi. 

yankunan hanyar kan iyakan kasar Chadi da Sudan LA Bagnetto

Sanarwa daga fadar Shugaban kasar Faransa na tabbatar da sakin Bafaranshen da nuna farin cikin samun shi da rai.

Jami’an tsaron kasar Sudan suka kaddamar da farautar Bafaranshen a watan uku bayan da Ministan kasar Chadi ya sanar da cewa an kai Bafaranshen kasar Sudan.

Bayanai na cewa an sace Bafaranshen ne a kusa da garin Goz Beida dake kudu-maso-gabashin kasar Chadi.