Dan bindiga ya kashe mutane 12 a Amurka
Wani dan bindiga ya bude wuta kan mai uwa da wabi a wani gidan rawa makare da jama’a a Thousands Oak da ke birnin Los Angeles na jihar California ta Amurka, in da ya kashe mutane akalla 12.
Wallafawa ranar: Chanzawa ranar:
Ofishin ‘Yan Sandan yankin ya ce, al’amarin ya faru ne a dai dai lokacin da daliban wata makarantar Kwaleji ke gudanar da biki a cikin daren ranar Laraba.
Rahotanni na cewa, an ga gawar maharin kwance a kasa, amma babu cikakken bayani kan ko shi ya hallaka kansa ko kuma jami'an 'yan sanda ne suka kashe shi.
Rahotannin sun kara da cewa, akalla an ji harbe-harben bindiga har sau 30 kuma wani jami'in 'yan sanda na cikin wadanda suka rasa rayukansu
Amurka na fama da matsalar hare-haren ‘yan bindiga dadi a kasar, abin da ke lakume rayukan jama’a da dama.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu