rfi

Saurare
  • Labarai Kai-tsaye
  • Labaran da suka gabata
  • RFI duniya

Turkiya

wanda aka wallafa • Wanda aka canza zuwa

Jam'iyyar Erdogan ta sha kashi a zaben birnin Santanbul

media
Ekrem Imamoglu na jam'iyyar adawa da ya lashe zaben Magajin Garin Santanbul REUTERS/Huseyin Aldemir

Jam’iyyar shugaban Turkiya Recep Tayyip Erdogan ta sha kaye a zaben Magajin Garin Birnin Santanbul da aka sake gudanarwa, abinda ake kallo a matsayin babban koma-baya ga jam’iyyar wadda ta shafe shekaru 25 tana mulkin birnin na Santanbul.


An kidaya kusan daukacin kuri’un da aka kada, inda sakamakon ke nuna cewa, dan takarar jam’iyyar adawa Ekrem Imamoglu na jan ragama da sama da kuri’u dubu 775, kwatankwacin kashi 54 na kuri’un, yayinda abokin karawarsa na jam'iyya mai mulki, Binal Yildrim ke da kashi 45.

Kuri’un da Imamoglu ya samu a wannan karo, sun kara yawa sosai idan aka kwatanta da wanda ya samu a zaben farko da aka soke, inda ya bai wa Yildrim ratar kuri’u akalla dubu 13.

An soke zaben farko da aka gudanar a cikin watan Maris da ya gabata bayan jam’iyyar AKP mai mulki ta ce, an tafka kura-kuren zabe.

Tuni shugaba Erdogan ya aika da sakon taya murna ga Imamoglu, yayinda shi kuma ya bayyana aniyarsa ta aiki tari da shugaban kasar.

A can baya, shugaba Erdogan ya ce, duk wanda ya lashe birnin Santanbula, tamkar ya lashe kasar Turkiya ne.