Isa ga babban shafi
Brazil

Fursunoni 52 sun mutu a rikicin gidan yarin Brazil

Akalla fursunoni 52 sun rasa rayukansu sakamakon kazamin fadan da ya kaure tsakanin wasu kugiyoyin 'yan daba da basa-ga-maciji da juna a gidan yarin da ake tsare da su a kasar Brazil. 

Daya daga cikin gidajen yarin Brazil da ake fama da rikice-rikicen 'yan daba.
Daya daga cikin gidajen yarin Brazil da ake fama da rikice-rikicen 'yan daba. RAPHAEL ALVES / AFP
Talla

Wannan ne rikici na baya–bayan nan da ya addabi wannan gidan yarin mai matsanancin cinkoso da hatsari a jihar Para.

Wani jami’in Hukumar  Kula da Gidan Yarin ya shaida wa Kamfanin Dillancin Labaran Faransa cewa, daga cikin fursunonin da aka kashe har da guda 16 da aka fille musu kawuna a tarzomar ta tsawon sa'a guda.

Ko a watan Mayun da ya gabata, sai da aka kashe akalla fursunoni 55 a gidajen yari daban-daban a jihar Amazonas mai makwaftaka da jihar Para sakamakon rikice-rikecen 'yan daban.

Brazil ce kasa ta uku wajen yawan fursunoni da ke garkame a gidajen yari a duniya bayan Amurka da China.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.