Isa ga babban shafi

Adadin wadanda guguwar Dorian ta hallaka a Bahamas ya kai 43

Rahotanni daga Bahamas na nuni da cewa adadin mutanen da kakkarfar guguwar Dorian ta hallaka ya kai 43 a safiyar yau Asabar dai dai lokacin da ake fargabar iya karuwar adadin bayan da jami’an agaji ke ci gaba da kai dauki kan baraguzan gine-gine.

Yankin da guguwar Dorian ta lalata a Bahamas.
Yankin da guguwar Dorian ta lalata a Bahamas. REUTERS/Dante Carrer
Talla

Haka zalika sashen kula da guguwar ya ce akwai yiwuwar kara karfinta cikin daren yau, musamman a tsibirin Abaco yankin da ta ruguje gidaje 260.

Tun a ranar Lahadin da ta gabata kakkarfar guguwar wadda ke gudun kilomita 285 a cikin sa'a guda ta afka wa kasar, yayinda karfinta ya kai mataki na 5 kamar yadda masana yanayi suka tabbatar.

Jami’an agaji dai na ci gaba da gargadin jama’a da su nemi mafaka a kwararan wurare, inda suka yi gargadin cewa, tsawon tozon guguwar daga sama zuwa kasa zai iya karuwa daga kafa 18 zuwa kafa 23.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.