A Ranar Biyu ga watan Satumba za’a binne Zenawi

Gwamnatin kasar Habasha tace a ranar Biyu ga watan Satumba za’a binne tsohon Firaministan kasar Meles Zenawi wanda ya mutu a ranar Litinin a birnin Brussels bayan kwashe lokaci yana rashin lafiya.Daruruwan Habashawa ne suka yi zaman makokin mutuwar Shugaban bayan kawo gawarsa zuwa Addis Ababa daga Brussels a ranar Talata. Yanzu haka gawarsa an ajiye ta a cikin gidansa kafin bukin binne shi.

Al'ummar kasar Habasha suna zaman makokin mutuwar shugabansu Meles Zenawi. REUTERS/Siegfried Modola

Mataimakin Firaminista Hailemariam Desalegn zai jagoranci gwamnatin rikon kwarya har 2015 bayan an gudanar da zabe. Ana sa ran rantsar da shi nan bada dadewa ba.