Mandela ya fara samun sauki a cewar shugaba Jacob Zuma

Shugaban kasar Afrika ta Kudu Jacob zuma yace Tsohon shugaba Nelson Mandela ya fara samun sauki a kwanaki biyar da ya kwashe kwance a gadon Asibiti. Zuma ya tabbatar da haka ne a gaban ‘Yan Majalisun kasar yana mai godewa wadanda suka taimaka da Addu'a.

Shugaban Afrika ta Kudu Jacob Zuma tare da Nelson Mandela AFP PHOTO / GOVERNMENT COMMUNICATION AND INFORMATION SYSTEM / HO

“Muna farin ciki da wannan ci gaban da aka samu fiye da kwanakin baya” inji Shugaba Zuma.

Zuma wanda ke jawabi a dai dai lokacin ake cika shekaru 49 da yanke wa Mandela hukucin daurin rai da rai a gidan yari, ya kai ziyarar girmamawa ga shugabannin da suka gaji Mandela da sauran mutanen da suka yi zaman gidan yari tare da tsohon shugaban.