An cafke wanda ya jagoranci hare haren Jos da Zaria

Rundunar Sojin Najeriya ta ce dakarunta sun cafke mutumin da ya kitsa munanan hare haren ta’addanci da aka kai a biranen Jos da Zaria wanda ya lakume rayukan mutane sama da 70.

Mutane sama da 30 suka jikkata a harin Zaria da aka kai a Jihar Kaduna REUTERS

01:01

Kakakin Rundunar Sojin Najeriya Kanal Sani Usman

Bashir Ibrahim Idris

Kakakin rundunar Sojin Najeriya Kanal Sani Usman Kukasheka ya ce an cafke mutumin ne da wasu mukararbansa guda biyu a Dadin Kowa daga Gombe lokacin da suke kokarin tserewa.

“Sojojinmu sun yi nasarar damke wadanda suka kai hare hare ta’addanci da aka kai a Masallaci da wurin cin abinci a garin Jos da kuma harin da aka kai a Zaria” a cewar Kanal Sani.

Yanzu haka mutanen suna amsa tambayoyi a hannun Jami’an tsaro.

Kanal Sani ya yi kira tare da neman hadin kan al’ummar Najeriya wajen bayar da goyon baya da bayanai da sirri ga jami’an tsaro.