An cafke sojoji 11 bisa zargin fasa rumbun makamai

Hukumomi a Burkina Faso sun sanar da cafke jami’an tsaro 11 dukkaninsu daga runduna ta musamman da ke kare tsohon shugaban kasar Blaise Compaore, a ci gaba da binciken wadanda ke da hannu a harin da aka ka iwa wani rumbun ajiye makamai ranar juma’a da ta gabata.

Shugaban Burkiina Faso Roch Marc Christian Kabore, a bikin rantsar da shi ranar 29 disamba 2015. AHMED OUOBA / AFP

Wani babban jami’i a rundunar tsaron kasar Mahamadi Bonkoungou, ya tabbatar da cafke tsoffin jami’an rusasshiyar rundunar ta RSP, inda ya bukaci samun hadin-kai daga jama’ar kasar.

Yanzu haka dai akwai wasu sojoji 15 da ake ci gaba da nema, bisa zargin cewa suna da alaka da harin wanda aka kai ranar juma’a, inda suka sace bindigogi kirar kalashnikovs da kuma rokoki da ake amfani da su domin harba makamai masu linzame.