Matakin karshe na ziyarar Netenyahu a Gabashin Afirka

Firaministan Isra’ila Benyamin Netenyahu wanda ke ziyara a kasashen gabashin Afirka, a wannan alhamis zai kasance ne a kasar Habasha.

Firaministan Isra'ila Benyamin Netanyahu, a filin jiragen saman 'Entebbe, Uganda 4 yulin 2016 REUTERS/Presidential Press Unit/Handout via REUTERS

A jiya laraba Netenyahu ya kasance a Rwanda, inda ya gana da shugaba Paul Kagame kafin daga bisani ya halarci wasu addu’o’in tunawa da mutanen da suka rasa rayukansu a kisan kiyashin kasar na 1994.

A jawabinsa lokacin addu’o’in, Netanyahu ya bayyana kisan kiyashin na Rwanda a matsayin wanda ba ya da bambanci da kisan da aka yi wa Yahudawa a Yakin Duniya na biyu.