Yanzu haka an ci gaba da zaman fargaba a Jamhuriyar Demokiradiyar Congo saboda yadda 'yan adawa da kungiyoyin fararen hular kasar ke tauna tsakuwa cewar, dole shugaba Joseph Kabila da wa’adisa ya kare ya sauka daga karagar mulki. Rahotanni sun ce 'yan adawar sun shirya gagarumar zanga zanga, yayin da gwamnatin kasar ta girke jami’an tsaro a ko ina don ganin ta dakile zanga zangar. Dangane da wannan dambarwa, Bashir Ibrahim Idris ya tattauna da Dr Maina Bukar Karte na Jami’ar Yammai da ke Nijar.
