A Botshuwana Jam'iyun adawa 4 sun hade don yakar jamiya dake mulki

Jam'iyun adawa hudu na kasar Botswana sun dunkule waje daya domin tunkarar jam'iyar dake mulkin kasar wato Botswana Democratic Party , a babban zaben kasar dake tafe a shekara ta 2019.

Shugaban Botswana Ian Khama. (Photo : AFP)

Tun shekara ta 1966 ne dai babban jam'iyar dake mulki ke cin karen ta babu babbaka.

Sai dai kuma a shekara ta 2014 ne ta fara ganin koma baya karo na farko a lokacin da ta sami yawan kuri'u da basu zarce kashi 50%.

Ana ganin wannan rasa tabukawa na biyo bayan tafiyar hawainiya ne na tattalin arzikin kasar da kuma batun rashin ayyukan yi ga dimbin matasa.