Sojojin Morocco sun ceto bakin haure 344 a tsakiyar teku
Jirgin sojin ruwan Morocco ya ceto bakin haure 344, cikinsu har da mata da yara a teku lokacin da kwale-kwalensu marasa inganci suka fuskanci matsalar a tsakiyar tekun meditereniya.
Wallafawa ranar:
Majiyar sojin kasar ta ce, akasarin bakin sun fito ne daga yankin Afirka da ke kudu da sahara, kuma an ceto su ne tsakanin ranar Asabar zuwa Larabar wannan mako.
Sanarwar ta ce, an bai wa mutanen agajin gaggawa kafin kai su gabar ruwa mafi kusa, inda aka mika su ga jami’an Jandermerie.
Da dama daga cikin 'yan ci-ranin Afirka na hallaka a teku a yayin yunkurinsu na tsallakawa zuwa kasashen Turai domin samun ingancin rayuwa bayan sun guje wa kasashensu saboda talauci da rikice-rikice.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu