Mutane shida sun mutu a sanadin zanga-zangar Kenya

Akalla mutane shida aka kashe a kasar Kenya biyo bayan barkewar tarzoma tsakanin masu zanga-zangar adawa da karin haraji, a wata arangama da ‘yan sanda. 

Raia katika maeneo mbalimbali nchini Kenya yameripoti maandamano ya raia wanaopinga kupanda kwa gharama ya maisha AP - Samson Otieno

‘Yan sanda sun harba barkwanon tsohuwa kan dandanzon masu zanga/zangar ta wannan Laraba a ciki da wajen Nairobi babban birnin kasar, inda aka kashe biyar daga cikin mutanen da tarzomar ta rutsa da su a garuruwan Mlolongo da Kitengela. 

Kazalika ‘yan sanda sun kuma harba hayakin mai sa kwalla kan masu zanga-zangar da suka katse babban titin dake sada Nairobi da birnin Mombasa mai tashar jiragen ruwa, inda can ma aka kashe akalla mutun guda a Emali dake kan hanyar. 

Hukumar kare hakkin bil adama ta kasar Kenya ta bukaci a gudanar da bincike kan duk wasu zargen-zangen da ake wa ‘yan sanda na cin zarafi, yayin da takwarorinsu na kasa da kasa ciki har da Amnesty International suka yi Allah wadai da kama mutane ba bisa ka’ida ba. 

Jagoran adawar Kenya Raila Odinga yayi kiran da a ci gaba gudanar da zanga-zangar kan dokar harajin da ta kai ga tashin farashin man fetur, wanda ya kara jefa talakawan Kenya cikin mawuyacin hali.