Gawarwaki sun fara rubewa a asibitocin barikinmu - Rundunar sojin Najeriya

Rundunar sojin Najeriya ta ce yanke wa barikokin sojin kasar  wutar da kamfanin raraba wutar  lanytarki na kasar ya yi, ya sa yanzu haka gwarwakin da ke dakunan ajiyar gawawwaki a asibitocin sojin sun fara rubewa.

Tun farko kamfanin rarraba wutar lantarki na kasar, ya yi barazanar katsse lantarki a dukkanin barikokin sojin kasar, sakamakon basukan da suke bin rundunar sojin Najeriya. © dailytrust

Babban hafsan sojin kasa na kasar, Laftanar Janar Taoreed Lagbaja, ne ya bayyana haka a yayin wata ziyarar  da ya kai wa ministan lantarki  na kasar Adebayo Adelabu a Abuja.  

Laftanal Janar Lagbaja, ya bukaci a taimaka wajen yafe kudin wuta daya kai naira biliyan 42 da ake bin barikokin sojin kasar.

Sai dai minitsan  ya ce za a duba yiwuwar sake fasalin bashin da ake bin rundunar sojin, amma ba za a shafe shi ba.

Najeriya dai na fama da matsin tattalin arziki, da kuma hauhawar farashin kayayyaki da masana suka danganta da matsalar karyewar darajar kudin kasar.