Kungiyar kasashen Larabawa za ta tura masu saka ido Syria

Shugaban Kungiyar kasashen Larabawa Nabil al-Arabi dazun yake fadin cewa ayarin masu sa idanu kan irin wainar da ake toyawa a kasar Syria na kan hanyar su nan da kwanaki uku.

Sakataren kungiyar Lasdashen Larabwa Nabil al-Arabi REUTERS/Mohamed Abd El-Ghany

Kungiyar Larabawa ce dai ta lallashi Hukumomin kasar Syria dasu amince da bukatar, domin a shiga kasar aga kuma aji zarge-zargen da ake tayi cewa Hukumomin kasar na ta kashe jama'a.

Ya fadi cewa ayarin masu sa idanun sun hada da jami'an tsaro, masu rajin kare hakkin dan Adam, masana sharia da manema labarai.