An dauke Malala zuwa Birtaniya domin kula da lafiyarta

Hukumomin Kasar Pakistan sun dauke Malala Yosoufzai daga Pakistan zuwa Britaniya dan ci gaba da jinya, sakamakon harbin da aka mata a kai, bayan likitoci sun yi nasarar cire harsashin. Rundunar sojin kasar, ta sanar da cewa, an dauki Malala ne dan ganin ta kara samun sauki, tare da bayyana cewa yarinyar bata cikin hadari.

Wasu mata masu zanga zanga neman 'Yancin Malala. Yusufzai, à Islamabad REUTERS/Faisal Mahmood

Tuni dai Pakistan ta sanya ladar Dala 100,000 don ganin an gano wadanda suka kai harin, wanda kungiyar Taliban ta dauki alhaki, ta kuma ce zata ci gaba har sai ta hallakata.