Pakistan da Afghanistan sun ce sun fahimci juna a tattaunawar da suke yi

Shugabannin Kasashen Pakistan da Afghanistan sun bayyana samun ci gaba a tattaunawar da suke yi, wadda Turkiya ke shiga tsakanin a Ankara. Taron ya biyo bayan harin wani Dan kunar bakin wake kan shugaban leken asirin Afghanistan, Asadullah Khalid.

Shugabannin kasashen Turkiya da Afghanistan da Pakistan a lokacin da suke gudanar da taro don sasanta kansu Reuters

Yayin ganawa da manema labarai, shugaba Hameed Karzai yace an samu fahimtar juna a taron da shugabanin uku da suka hada da Asif Ali Zardari da Abdullahi Gul suka halarta.