Amurka ta hana wani jami’in Syria ficewa daga kasarta

Hukumomin kasar Amurka, sun haramta wa jakadan kasar Syria a Majalisar Dinkin Duniya fita daga birnin New York.

REUTERS/Brendan Smialowski/Pool (GERMANY)

Mai Magana da yawun ma’aikatar harkokin wajen Amurka Jen Psaki, ta ce tuni suka sanarda jakadan wannan mataki a rubuce.

A tsawon watanni 6 da suka gabata, jakadan mai suna Bashar Ja’afari, ya ziyarci birane da dama na Amurka, inda rahotanni ke cewa yana shirya tarukan farfaganda domin kare manufofin gwamnatin Damascus.