An gano kabari dauke da gawawaki mutane 400 a Fallujah

Sojin Iraki dake yaki don kubutar da birnin Fallujah daga hannun mayakan ISIL sunce sun gano wani kabari dake dauke da gawawakin mutane kusan 400

Gawawakin wasu mutane da aka gano a yankin Sinjar a Iraki Reuters/路透社

Wani jami’in ‘Yan sanda mai mukamin kanar yace an kabarin ne a garin Saqlawiya dake arewa maso yammancin Fallujah.

Jami’in ya kara da cewa cikin gawawakin harda na sojojin gwamnati da kuma fararren hula, kuma akasarinsu an harbe su ne a kai.

Kanar din yace yanzu ana ci gaba da kwashe gawawakin don tantance su.