Yar jarida ta mutu a farmakin kwato Mosul

Rahotanni daga kasar Iraki na cewa wata ‘yar jarida ta rasa ranta a lokacin da take kokarin dauko rahoto a  fadan da ake yi a tsakanin gwamnatin Iraki da mayakan Daesh na ISIL na sake kwato birnin Mosul.

Dakarun sojin Iraki sun kaddamar da farmakin kwato birnin Mosul daga ikon ISIL. REUTERS/Ahmed Saad

Kafar talabijin Kurdawan Iraki da ‘yar jaridar ke aiki ce ta sanar da mutuwarta.
‘Yar jaridar mai suna Shifa Gardi ta gamu da ajalinta a harin bam a yau asabar.

Ta kuma mutu ne tana da shekaru 30 a Duniya.

A makon da ya gabata ne dakarun sojin Iraki suka kaddamar da farmakin sake kwato birnin Mosul birni na biyu mafi girma a kasar daga ikon mayakan ISIL.