'Yan sama jannatin China 3 sun dawo kasa bayan shafe wata 6 a sararin samaniya

Wasu 'yan sama jannatin kasar China uku sun koma doron kasa a wannan Asabar bayan shafe kwanaki 183 a sararin samaniya, lamarin da ya kawo karshen kumbo  mafi dadewa a kokarin China na zama jagaba a harkar sararin samaniya.

Kumban 'yan sama jannatin China da ya sauka a doron kasa bayan shafe watanni 6 a sararin samaniya,16/04/22. AFP - -

Kumbon Shenzhou-13 shine na baya-bayan nan da kasar China ta aika duniyar Mars ya kuma aike da bincike zuwa duniyar wata a yunkurin ta na gogayya da Amurka a fannin.

Maza biyu da mace daya -- Zhai Zhigang da Ye Guangfu da kuma Wang Yaping -- sun dawo duniya ne da misalin karfe 10 na safe agogon Beijing, bayan da suka shafe watanni shida suna cikin jirgin Tianhe na tashar sararin samaniyar Tiangong na kasar China.