Gwamnatin Myanmar ta yi afuwa ga fursunoni fiye da 2,000 saboda bukin Buddha

Gwamnatin sojin Myanmar ta sanar da yin afuwa ga fursunoni fiye da dubu 2 da aka daure karkashin wata doka da aka yi amfani da ita wajen murkushe 'yan adawa tun bayan da ta kwace mulki fiye da shekaru biyu da suka gabata.

Wata motar Bus dauke da fursunoni da Gwamnatin Myanmar ta yi wa afuwa. 03/05/23 AP - Thein Zaw

Sojoji sun kama dubban masu zanga-zanga da masu fafutuka tun cikin watan Fabrairun shekarar 2021 wanda ya jefa kasar cikin rudani.

Wani daga cikin fursunoni da Gwamnatin Myanmar ta yi wa afuwa. 03/05/23 AP - Thein Zaw

Sanarwar da gwamnati ta fitar ta nuna cewa ahuwar ta shafi fursunoni 2,153 da aka yanke hukunci a karkashin dokar hukunta manyan laifuka ta 505 (a) sabado bikin tunawa da ranar haihuwar Buddha ta Kasone Full Moon Day", a turance.

Dokar ta tanadi zaman yarin akalla shekaru uku, amatsayin mafi girman hukunci.

Shugaban hafsan sojojin Myanmar Janar Min Aung Hlaing a shekarar 2015 AP - Aung Shine Oo

Bisa al’adama kasar Myanmar na yin ahuwa ga dubban fursunoni a irin yanayin bukukuwa da suka shafi kasa ko na addinin Buddah.

Ziyarar jami'in China

Sanarwar na ranar Laraba ta zo ne a daidai lokacin da ministan harkokin wajen kasar China Qin Gang ke ziyara domin tattaunawa da janar-janar masu mulkin kasar da ke zama saniyar ware ga manyan kasashen duniya.