Vietnam ta fuskanci yanayin zafi mafi muni a tarihinta

Vietnam ta sanar da yanayin zafi da ba a taba fuskanta ba a kasar a daren Asabar, wanda ya kai digiri 44 da digo 1 a ma’aunin Celsius, ko kuma 111 da digo 38 a ma’aunin fahrenheit, lamarin da ya zarce wanda aka fuskanta a shekarar 2019.

Taswirar Vietnam. DR

Tun daga watan Afrika kudancin nahiyar Asiya ke fama da yanayi na tsananin zafi, inda kasashen da ke makwaftaka da nahiyar suka samu nasu rabon na zafi.

Yanayi a arewacin Veitnam ya banbanta da na kudancin kasar, amma a halin da ake cikin ilahirin kasar na fuskantar watanni mafi zafi a tarihi.

Da ranar Asabar din nan ne aka auna wannan yanayi na tsananin zafi mafi yawa a tarihin kasar, ta tashar Hoi Xuan a lardin  Thanh Hoa  arewa maso tsakiya, kamar yadda cibiyar hasashen yanayi na kasar ta bayyana.